Një student 16-vjeçar në shtetin amerikan të Luizianës ka marrë oferta për bursa universitare që arrijnë në më shumë se 9 milion dollarë.
Dennis Barnes, i cili është në vitin e tij të fundit në Shkollën e Mesme Ndërkombëtare të New Orleans, aplikoi gushtin e kaluar në 200 kolegje në të gjithë vendin.
Ai deri më tani është pranuar në 125 shkolla dhe shpreson për më shumë oferta para se të vendosë se ku do të regjistrohet. Ofertat e bursave mund të bëjnë që Barnes të vendosë një rekord të ri kombëtar së shpejti, të vendosur tre vjet më parë nga një tjetër nga Luiziana
“Qëllimi im është të arrij 10 milionë dollarë,” i tha ai medias lokale WWL-TV, e cila së pari raportoi shumën mahnitëse që studenti ka grumbulluar.
Cormier, e cila ndoqi Universitetin Xavier të Luizianës tani po përfundon një diplomë master në Universitetin Shtetëror të Luizianës, iu ofrua ndihmë totale prej 9.4 milion dollarë nga rreth 140 shkolla në 2019.
Sipas The Guardian, ajo kërkoi njohje nga Rekordet Botërore Guinness për arritjen e saj dhe, ndërsa organizata nuk mundi të gjente një person me më shumë oferta në SHBA, nuk ishte në gjendje të përcaktonte nëse ajo kishte thyer një rekord botëror.
Barnes i tha WWL-TV se media e tij sociale “shpërtheu” pasi u përhap lajmi për arritjen e tij.
Ai është një president i Shoqatës Kombëtare të Nderimeve, i cili flet rrjedhshëm spanjishten, ka një mesatare të notave pothuajse perfekte.
Në një deklaratë të lëshuar nga shkolla e tij, Barnes tha se ka në plan të ndjekë një diplomë të dyfishtë në shkenca kompjuterike dhe drejtësi penale, dhe do të njoftojë muajin e ardhshëm se cilin kolegj ka në plan të ndjekë.
Top Channel
