“Duhet të luftojmë”, Zelensky tregon çfarë i duhet Ukrainës për t’u futur në NATO: Do anëtarësohemi shumë shpejtë 22/12 22:51
Partitë politike dështuan të hartojë lista të pastra kandidatësh edhe në këto zgjedhje.
Komisioni Qendror i Zgjedhjeve dërgoi në dyert e Prokurorisë 29 kandidatë, 9 prej të cilëve synojnë karrierë kryebashkiaku. E shkuara problematike vijon të përndjekë të majtë dhe të djathtë pa përjashtim në zgjedhjet e 14 majit.
Celibashi: Ka nevojë për verifikim të thelluar të të dhënave në formularin e vetëdeklarimit.
Në organet e drejtësisë përfunduan edhe tre kandidatët më të sulmuar ditët e fundit. Rezeart Tusha i cili garon në Shijak për llogari të Berishës dhe Metës. Kreshnik Hajdari që synon Kuçovën në emër të Edi Ramës dhe Agron Kapllanaj kandidat i PD zyrtare në Mallakastër. Të njëjtin fat nuk e pati socialisti Qerim Ismaili, rrugëtimin e të cilit drejt zgjedhjeve do e vendosë Komisioneri.
Indrit Sefa, Juristi i PD-së zyrtare: Ky nuk është për verifikim, por është për ndalim. Ky është dënuar me 6 muaj burg në bazë të ligjit nuk duhet të kandidojë. Periudha e ndalimit i mbaron me 29 mars kur t’i mbarojë le të vijë dhe votohet. Por, ligji është për t’u respektuar jo për t’u interpretuar.
Ëndrra për t’u bërë kryebashkiak bëri që 5 deputetë të heqin dorë nga mandati i deputetit dhe të zëvendësohet nga kolegët pasues.
Nga lista e deputeteve që ikin dhe vijnë surprizoi Ilir Beqaj i cili refuzoi të marrë mandatin e Benet Becit në Shkodër duke i lënë vendin Frrok Gjinit. Belind Këlliçi do zëvendësohet nga Asllan Dogjani, ndërsa Luçiano Boçi nga Qani Xhafa. Ludovik Hasani zëvendëson Zef Hilën ndërsa vendin e Besjan Ajazit do e zërë Shkëlzim Bullari.
Top Channel
