Krah për krah me Papën/ Kardinali shqiptar Ernest Simoni ishte në ceremoninë e Pashkëve
11/04/2023 19:58
E rëndë në Roskovec, 17-vjeçarja gjendet nga familjarët e vetëvarur 25/05 13:50
Kardinali shqiptar Ernest Simoni u ngjit të dielën e pashkës në altarin e Bazilikës së Shën Pjetrit së bashku me Papa Françeskun për bekimin Urbi et Orbi.
Një arritje kjo për kardinalin 94-vjeçar, që prej vitesh jeton në Firence, pas perskeutimeve të vazhdueshme nga regjimi komunist. Të qenit në krah të Atit të shenjtë, kardinali Ernest Simoni e cilësoi një gëzim të papërshkrueshëm.
Jo vetëm për të por dhe për të gjithë shqiptarët. Veçanërisht- tha ai -për ata që gjatë periudhës së diktaturës u përballën me urrejtjen e vazhdueshme të sistemit si dhe burgosjet e torturat.
Në një artikull kushtuar atij, gazeta italiane LaNazione shkruan se kardinali Ernest Simoni mbetet një nga shembujt e forcës së besimit pasi mundi t’i rezistojë persekutimit pavarësisht shkatërrimit të të gjitha kishave.
Prelati i moshuar shqiptar Ernest Simoni u burgos nga vitit 1963 deri në vitin 1991, por pavarësisht 28 viteve burg ai nuk e humbi besimin.
Top Channel
