Bota e futbollit në zi, “shuhet” në moshën 73-vjeçare legjenda holandeze e Barcelonës 07/10 16:13
Kthimi i Lionel Messit te Barcelona nuk është thjesht një fantazi e merkatos.
Kështu shkruan këtë të shtunë e përditshmja spanjolle “Marca”.
Kushtet janë në favor të kësaj lëvizjeje bujshme të argjentinasit, duke pasur parasysh mosmarrëveshjet te Paris Saint-Germain. Gazeta spanjolle përmend edhe disa faktorë të tjerë vendimtarë që e shtyjnë “Pleshtin” të kthehet në “familjen” e tij të mëparshme.
Takimi mes Laportës dhe babait të Messit
Në radhë të parë, ai që e nxit më shumë ribashkimin e Leos me “blaugranat” është ish-shoku i skuadrës, Xavi, tani trajner i Barçës.
Ish-mesfushori thuhet se flet çdo ditë me Messin për të ardhmen e tij. Për më tepër, ditët e fundit raportohet se është zhvilluar një takim i parë mes presidentit Joan Laporta dhe Jorge Messi (babai dhe menaxheri i Leos).
Një takim gjysmë ore, ku nuk është folur konkretisht për kthimin e Barçës në “Camp Nou” dhe nuk është formuluar një marrëveshje konkrete për këtë qëllim.
Gjithsesi, ky takim ka shërbyer për të hedhur themelet e këtij debati për të ardhmen./ SuperSport
Top Channel
