Bota e futbollit në zi, “shuhet” në moshën 73-vjeçare legjenda holandeze e Barcelonës 07/10 16:13
Pasi e eliminoi nga Kupa e Gjermanisë, Bayern Munich i kthen reston në Bundesliga Freiburgut.
Skuadra e Thomas Tuchel mori fitoren minimale 0-1 në “Europa-Park Stadion”, duke vijuar kryesimin e kampionatit.
Ndeshja e vlefshme për raundin e 27-të u dominua nga bavarezët, megjithatë rruga drejt rrjetës u gjet vetëm njëherë dhe kjo në minutën e 52’ nga De Ligt.
Pas asistit të Musiala, De Ligt realizoi për Bayern Munich, duke i dhuruar ekipit të tij tri pikë shumë të rëndësishme.
Pas këtij takimi Bayern kryeson me 58 pikë, teksa Freiburg renditet në vend të katërt me 47 pikë.
Borussia Dortmund nga ana tjetër mori fitoren 2-1 ndaj Union Berlin, në një ndeshje që u dominua nga vendasit. Skuadra e Terzic mori avantazhin në minutën e 28’, me Malen që zhbllokoi sfidën.
Në minutën e 61’ Union Berlin gjeti barazimin me Behrens, megjithatë në minutën e 79’ Moukoko vulosi rezultatin e këtij takimi dhe u dhuroi fitoren vendasve.
Pas javës së 27-të Dortmund qëndron në vend të dytë me 56 pikë, teksa Union Berlin renditet në vend të tretë me 51 pikë.
Ndërkohë Bayern Leverkusen-Eintracht Frankfurt u mbyll me rezultatin 3-1. Golat për vendasit i realizuan Adli në minutën e 10’, Diaby në minutën e 34’ dhe Azmoun në minutën e 90+5’, teksa për Frankfurt rrugën drejt rrjetës e gjeti Sow në minutën e 74’.
Pas këtij takimi Bayer Leverkusen renditet në vend të gjashtë me 43 pikë, teksa Frankfurt në vend të shtatë me 41 pikë./SuperSport
Top Channel
