Çfarë mendonte në të vërtetë Mbretëresha Elizabeth II për Meghan Markle? Flet eksperti mbretëror 23/11 14:29
Jahti $500 milionësh i biznesmenit Jeff Bezos ka dalë më në fund në lundrim me titullin e “anijes më të lartë në botë”, teksa një urë u desh të çmontohej për kalimin e tij jashtë kantierit të ndërtimit në Holandë.
Zhvillimi vjen teksa miliarderi thuhet se po numëron javët para se anija e tij private 75 metra e lartë të mbërrijë në destinacion.
Në pamjet e fundit shihej jahti që bënte lundrimin e tij të parë në deti e Veriut teksa ishte larguar nga Holanda më 13 shkurt.
Anija gjigante detyroi çmontimin e një pjesë të urës Koningshaven në gjirin e Rotterdam për të kaluar, me direkët e saj të ekzagjeruar.
Jahti njihet tashmë me emrin Koru, që në gjuhën Maori do të thotë “Fillime të reja”.
Pronari i rrjetit Amazon ka porositur ndërtimin e barkës që prej vitit 2018 – me një faturë të rëndë çmimi prej rreth $500 milionë.
Por gjithsesi kjo nuk besohet se po dëmton shumë portofolin e Bezos, duke marrë në konsideratë renditet si i treti më i pasuri në botë me më shumë se 100 miliardë dollarë.
Kantieret holandeze Oceanco, ishin fituese të kontratës shumë milionëshe për ndërtimin e tij.
Barka tre direkë është më shumë se 10 metra e gjatë dhe 75 meta e lartë, dhe zotëron një pishinë noti në bord.
Ajo ka gjithashtu një pistë uljeje helikopteri për Bezos dhe miqtë e tij të famshëm dhe mund të mbajë gjithashtu një barkë ndihme 75 metra të gjatë.
Mobilimi i brendshëm raportohet se është influencuar nga Eos, një tjetër jaht 100 metra i gjatë në pronësi të mikut të tij të ngushtë Barry Diller, ish-drejtuesi i rrjetit Fox.
Koru i bashkohet kështu flotës së superjahteve dhe avionëve që zotërohen nga Bezos dhe e dashura e tij ish-prezantuese Lauren Sanchez.
Kostot e mirëmbajtjes së barkës luksoze janë rreth $25 milionë në vit, të cilën Bezos besohet se do të mund të përdorë pas dy muajsh.
Zhvillimi vjen teksa milioneri bëhet gati të shesë gazetën e tij Washington Post sipas mediave vendase.
Washington Post u ble nga Bezos në 2013 për një shumë të llogaritur në $250milionë.
Top Channel
