FOTOT/ E bujshme! Ylli i filmave me “pullë të kuqe” konfirmon lidhjen romantike me ish-yllin e Arsenalit
17/11 17:06
Chelsea regjistroi fitoren e dytë radhazi në kampionat, teksa mundi në “King Powers Stadium” Leicester me shifrat 1-3. Blutë e Londrës ishin imponues dhe në të 11-ën, Chilwell kaloi në avantazh skuadrën e Potter.
Londinezët realizuan me Felix dhe të dytin, por VAR i hoqi festën portugezit. Edhe pse “dhelprat” barazuar me Daka, në kohësn shtesë të pjesës së parë Chelsea mori përsëri avantazhin me Havertz.
Në pjesën e dytë, përsëri blutë ishin më kërkues dhe Mudryk e gjeti rrjetën. Por sërish teknologjia i ndali festën. Pak minuta më vonë ukrainasi shërbeu për Kovacic, i cili shënoi dhe golin e tretë, duke mbyllur llogaritë e kësaj sfide. Vendasit e mbyllën ndeshjen me 10 lojtarë, pas daljes me të kuqe të Faes. Belgu u ndëshkua me kartonin e dytë të verdhë në fundin e kohës së rregullt. Chelsea ka nisur ngjitjen në vendin e 10-të me 37 pikë, ndërsa Leicester rrezikon jo pak. Aktualisht Leicester ndodhet me vetëm 24 pikë shumë pranë zonës së rënies nga Premier League.
Tottenham është rikthyer tek fitorja në Premier League, duke mundur Nottingham me rezultatin 3-1. Skuadra e Contes shënoi që në fillimin e lojës me Richarlison, por VAR i mohoi golin për një pozicion të parregullt. Megjithatë, londinezët shënuan në të 19-tën me kapitenin Kane. Avantazhi i dha qetësinë vendasve që pak pas gjysmë ore lojë fituan një penallti, që u kthye në gol po nga Kane.
Në pjesën e dytë Tottenham shënoi dhe të tretin, me Son. Në minutat e fundit, skuadra mike shënoi dy gola. Fillimisht në të 81-ën Worrall ngushtoi diferencën e rezultati, ndërsa në kohën shtesë Ayew humbi një 11-metërsh. Skuadra e Contes bën kthesën pas momentit jo të mirë që po kalon, teksa shkon në kuotën 48 pikëve, duke u pozicionuar në vendin e katërt të Premier League. Në anën tjetër, Nottingham e sheh veten në vendin e 14-të me 36 pikë.
Everton iu fal një goli të shënuar në sekondat e para të ndeshjes ndaj Bretford. McNeil kaloi vendasit në avantazh që në fillimin e lojës, duke i dhënë qetësinë skuadrës së tij, që në fundin e pjesës së parë shënoi sërish, por këtë herë Gray e kishte marrë topin me dorë. Tre pikë për ekipin nga Liverpool që rikthehet tek suksesi pas tre ndeshjesh dhe tani e sheh veten në kuotën e 25 pikëve, duke lënë zonën e ftohtë, ndërkohë që Brendford pozicionohet i nënti me 38 pikë.
Në barazim 2-2 u mbyll takimi mes Leeds dhe Brighton. Miqtë realizuan të parët me anë të Mac Allister, ndërsa për vendasit Bamford vuri baraspeshën pa u mbyllur pjesa e parë. Në fraksionin e dytë Harrison shkaktoi autogol në të 61-ën, por më pas e shleu vetë gabimin, duke realizuar golin e dytë për Leeds, e duke i dhënë skuadrës së tij një pikë.
Top Channel
