Alba akuzon rëndë Meri Shehun, astrologia braktis studion pas sherrit 24/11 18:38
Një punonjës i Twitter i ka bërë thirrje Elon Musk në platformë për të pyetur nëse ai ishte shkarkuar nga puna apo jo.
“Drejtori juaj i HR nuk është në gjendje të konfirmojë nëse jam i punësuar apo jo”, shkroi në Twitter Halli Thorleifsson, drejtuar shefit ekzekutiv të firmës.
Zoti Musk u përgjigj duke pyetur: “Çfarë pune keni bërë?”
Thorleifsson i tha BBC-së se nëntë ditë pasi u bllokua nga llogaritë e Twitter, ai nuk e dinte nëse ishte shkarkuar apo jo.
Pas një sërë pyetjesh dhe përgjigjesh me zotin Musk, të cilat lexoheshin si një intervistë e drejtpërdrejtë për punën e tij, Thorleifsson tha se mori një email që konfirmonte se ishte shkarkuar.
Thorleifsson, 45 vjeç, ishte një drejtor i lartë në dizajnimin e produkteve për Twitter. Ai i tha BBC-së se paqartësia rreth punës së tij ishte e çuditshme dhe stresuese.
“Pasi kaluan disa ditë fillova të kontaktoj me njerëzit, duke përfshirë Elon dhe kreun e HR për të pyetur për situatën time. Kreu i HR më ka dërguar dy herë email dhe nuk ka qenë në gjendje të përgjigjet nëse jam apo jo punonjës në Twitter”, tregon ai.
Dear @elonmusk 👋
9 days ago the access to my work computer was cut, along with about 200 other Twitter employees.
However your head of HR is not able to confirm if I am an employee or not. You’ve not answered my emails.
Maybe if enough people retweet you’ll answer me here?
— Halli (@iamharaldur) March 6, 2023
“Ndoshta nëse mjaft njerëz shkruajnë në Twitter, ju do të më përgjigjeni këtu”, tha Thorleifsson.
Dear @elonmusk 👋
9 days ago the access to my work computer was cut, along with about 200 other Twitter employees.
However your head of HR is not able to confirm if I am an employee or not. You’ve not answered my emails.
Maybe if enough people retweet you’ll answer me here?
— Halli (@iamharaldur) March 6, 2023
Pas disa pyetjeve vijuese, Thorleifsson dha një listë të gjërave që kishte bërë në kompani. Shkëmbimi i mesazheve përfundoi me Musk duke postuar dy emoji duke qeshur.
Figma.
All active design projects.
— Halli (@iamharaldur) March 7, 2023
Sipërmarrësi me bazë në Islandë e kishte shitur kompaninë e tij, Ueno, një agjenci kreative dizajni, në Twitter në fillim të vitit 2021 – pasi themeloi firmën në Reykjavik në 2014.
Si pjesë e blerjes ai u bë një punonjës me kohë të plotë në Twitter. Thorleifsson është i shqetësuar se Musk nuk do të respektojë kontratën që nënshkroi me Twitter kur u shiti kompaninë e tij.
Muajin e kaluar, Elon Musk u duk se pushoi 200 punonjës të tjerë të Twitter. Kjo do të thotë se Twitter tani ka pak më shumë se 2,000 punëtorë – nga rreth 7,500 në tetor.
Top Channel
