Në heshtje por me pyetjen “Përse?” familjarë dhe të afërm varrosin sot në Greqi viktimat e aksidentit tragjik të ndodhur në Tempi të Greqisë.
Trupat e pa jetë të 57 viktimave tashmë u janë dorëzuar familjarëve, mes tyre edhe shtetasit shqiptarë dhe ata me origjinë shqiptare, Ifigjenia Micka, Pavlin Bozo dhe Joanis Xhollas, ndërsa paraditen e së shtunës priten të përfundojnë edhe analizat e ADN-së për Klaudia Laton dhe Denis Ruçi.
Ndërkohë që janë marrë 56 mostra ADN-je prej familjarëve të viktimave, trupat e të cilëve janë dëmtuar shumë çka e ka bërë të pa mundur identifikimin e deritanishëm të tyre.
Autoritet thonë se po bëjnë të pa mundurën për ta përfunduar identifikimin e viktimave për të dorëzuar trupat e tyre pranë familjarëve sa më shpejt, ndërsa vazhdojnë hetimet lidhur me tragjedinë që shokoi Greqinë dhe jo vetëm.
Shefi i stacionit hekurudhor të Larisës do të dërgohet paraditen e së shtunës në gjykatë për masë sigurie me akuza të krimit të rëndë me dashje, ndërsa policia e Larisës nën drejtimin e prokurorisë ka sekuestruar materiale në zyrën e Samaras të cilat pritet të hedhin dritë mbi atë çka ndodhi minutat para aksidentit dhe të të gjetur arsyen pse ky i fundit futi në të njëjtat binarë dy trenat që pak kilometra me tej u përplasën duke lënë të vdekur 57 persona,56 të zhdukur dhe 48 të plagosur, por dhe zhytur vendin në zi.
Dyshimet e deritanishme janë se Samaras nuk ka qenë në zyrë në momentin që urdhëroi lëvizjen e shinave në drejtimin diagonal. Mungesa e tij në sallën operative që të cilin ishte funksional sistemi i vjetër i monitorimit të lëvizjes, i cili tregonte me llambë ndaluese se në linjën zbritëse ndodheshin dy trena në drejtim të kundërt, çka mund ta shmangte tragjedinë.
Më herët avokatët e njërës prej viktimave thanë se Samaras ndodhej në një lokal aty pranë dhe urdhrin për kalimin e shinave e dha nëpërmjet radios portabële vhf që mbante në dorë, dhe jo nëpërmjet radios VHF që ishte e instaluar në tryezën që ishte instaluar sistemi i monitorimit me drita të stacionit të Larisës.
Top Channel
