“Shyqyr dramat e mia mbaruan”/ Pas ftesës së Pirro Çakos në Top Channel, Parashqevi Simaku kontakton me këngëtarin, momenti emocionues 25/12 23:46
Kryeministri Edi Rama, në mocionin me debat të kërkuar nga opozita për çështjen “McGonigal”, ka përmendur të gjitha rastet (14) kur emri i tij përmendet në aktakuzën amerikane për ish-shefin e FBI-së, duke dhënë një shpjegim për secilin prej tyre.
Rama pranoi se të gjitha takimet në Shqipëri dhe New York midis tij, McGonigal duke përfshirë dhe persona të tretë, janë të vërteta. Por, tha kryeministri, nuk ka asnjë akuzë në asnjë prej këtyre rasteve.
“Aktakuza nuk thotë asgjë as për mua, as për qeverinë, as për shtetin shqiptar”, u shpreh Rama në Kuvend, ndërkohë që deputetët e opozitës e kundërshtonin gjatë gjithë kohës, duke folur nga vendi.
“Ta zemë se unë e kam përdorur FBI-në, kryeministri i një vendi milingonë në hartën e botës. Nuk ka njeri, përveç zotit të Shtëpisë së Bardhë që të ketë këtë fuqi. Flasin dhe akuzojnë ata që kur sihin në qeveri paguan miliona nga taksat e shqiptarëve për lobim në Shtetet e Bashkuara, për të na goditur ne.
Si e paloska Amerikën një Goni nga Tropoja. Është aktakuza amerikane, jo e Lanës
Në mars 2018, ka qenë një takim me meje dhe McGonigal dhe kompanisë më të madhe ligjore e auditimit, ku është krimi këtu?
Rasti tjetër: Takimi bashkë me një politikan kosovar/ Nuk e di kush është politikani kosovar, por unë jam takuar. Bëhet fjalë për takim. Çfarë ka këtu. Ku është krimi? Te fantazia juaj
Në janar 2018, takimi në Shqipëri: Po e kam takuar, ka ardhur në Shqipëri dhe e kam takuar.
Të gjitha këto kanë ndodhur. Asgjë e hatashme, asgjë e qortueshme, as ka ndodhur dhe as shkruhet në aktakuzë. Aktakuza nuk thotë asgjë as për mua, as për qeverinë, as për shtetin shqiptar”.
Në fund të shpjegimit të tij, Rama iu rikthye akuzave për opozitës, duke i quajtur “gënjeshtar me bisht lidhur bisht pas bishti deri te bishti i kaltër i lirisë”.
Ju presim në 14 maj për të na mundur më keq se këto vite, iu drejtuar kryeministri deputetëve të opozitës, në fund të fjalës së tij, që u shoqërua me duartrokitje nga socialistët. Menjëherë më pas, kryeministri u largua nga salla e Kuvendit.
Çështja McGonigal
Më 24 janar u bë e ditur se në New York është arrestuar ish-shefi i kundërzbulimit të FBI me akuza të rënda se ka mbështetur një oligark rus të sanksionuar nga Shtetet e Bashkuara të Amerikës, por edhe se ka marrë ryshfet nga një ish-agjent i shërbimit sekret shqiptar.
Charles McGonigal ka punuar për sektorin e kundërzbulimit të FBI-së, derisa u largua nga FBI-ja në shtator të vitit 2018 dhe ndër të tjera mbulonte edhe Shqipërinë dhe Bosnje Hercegovinën.
Ai akuzohet se ka marrë 225 mijë dollarë nga një ish-punonjës i shërbimeve sekrete të Shqipërisë dhe ka zhvilluar një sërë takimesh me biznesmenë dhe politikanë në Shqipëri, Kosovë dhe Bosnje, por pa i raportuar ato sipas rregullave.
Top Channel
