E papritur! Dy konkurrentë të Big Brother VIP 4 lënë në mes garën 26/12 14:56
Kryetari i Grupit Parlamentar të Partisë Socialiste, Taulant Balla ka shfaqur sot në Kuvend audio përgjimin që u publikua mbrëmjen e kaluar në “Top Story”, për vrasjen e katër personave në bulevard më 21 janar të 2011-tës.
Pasi tregoi videon e emisionit në Foltore, Balla tha se këto janë prova e vrasjeve shtetërore të 21 Janarit. “Si mund të hapësh zjarr ushtarak ndaj civilëve”, pyet Balla.
“Si ka mundësi që komandanti i gardë së republikës, sa del nga zyra e Berishës jep urdhër për të ekzekutuar popullin opozitar që ndodhej në shesh. Pastaj vjen momenti kur Ndrea Prendi thotë ky është urdhi dhe më pas qëllohet nga pistoleta e tij dhe e një tjetri.
Dhe me çfarë? Me zjarr ushtarak. Mund ta bësh në Afganistan, por jo në bulevardin “Dëshmorët e Kombit”. Duhet ta kishte marrë që mbrëmë Prokuroria sepse më në fund vrasjet shtetërore të 21 janarit janë me video dhe me audio”.
Në audio-përgjimin e sjellë ekskluzivisht nga gazetari Artan Hoxha, dëshmohet se ka pasur urdhër për të qëlluar direkt mbi trupat e protestuesve.
Pjesë nga audiopërgjimi:
Ndrea Prendi Komandant i Gardës: Dashamir: Gati për zjarr ushtarak
Dashamir Shehi: Po ju kuptova, gati të gjithë luanët
Ndrea Prendi: Nëse do hynë Brenda, do të hapet zjarr luftarak për t’i asgjësuar…
Dashamir Sheu: Ju kuptova!
Ndrea Prendi: Mos qëlloni me luftarak akoma. Në ajër, në ajër. Zjarr manovër në ajër.
Ndrea Prendi: Dashamir ku je?
Dashamir Shehi: këtu jam, këtu jam
Ndrea Prendi: Bëju thirrje nga altopolanti. U kalu kufiti do hapet zjarr luftarak
Dashamir Shehi: Largohuni nga hyrja. Largonu nga kordonet e sigurisë, do zbatojmë ligjin.
Ndrea Prendi: Të mbahen armët në dorë gati për zjarr. Të mbahen armët në dorë gati për zjarr. Pastaj kur të them unë në trup.
Ndrea Prendi: Artan më dëgjon?
Artan Hoxha: Dëgjoj
Ndrea Prendi: Me të kaluar gardhi i telave do hapet zjarr luftarak
Artan Hoxha: Kuptova, kuptova
Andrea Prendi: Ky është urdhri
Ndrea Prendi: Dashamir më dëgjon?
“Dy efektiva të njësisë speciale ta ta ta gjakos”, (Menjëherë dëgjohen krisma)
Ndrea Prendi: Kujdes municionin! Kujdes municionin!
Ndrea Prendi: Alfred?
Alfred Ahmetcenaj: Po dëgjoj
Ndrea Prendi: Dy dyshe, dy dyshe të godasin këta që janë të porta. T’i dogasin, t’i godasin fortë
Ndrea Prendi: Ata që kalojnë gardhin të goditen me shkop gome
Alfred Ahmetcenaj: Po po kuptova
Ndrea Prendi: Na sillni municion rezervë
Gazetari Artan Hoxha tha se është vënë në dijeni të kësaj prove që në muajin korrik të vitit të shkuar. Ai tha se pas përpjekjeve të shumta ka arritur ta sigurojë provën fizikë në dhjetor dhe ia ka vënë në dispozicion babait të Aleks Nikës, për t’ia dorëzuar më pas prokurorisë e cila po zvarrit hetimin.
Top Channel
