Turi i Diasporës/ Ultranacionalistët grekë presin kryeministrin Rama me fletushka për Vorio Epirin në Selanik 01/11 17:10
Kryetari i Grupit Parlamentar të Partisë Socialiste Taulant Balla, në një komunikim me gazetarët ditën e sotme ka zbuluar se në seancën e radhës që do të mbahet ditën e enjte në Kuvend, do të ketë një mocion debati ku do të diskutojnë të gjithë deputetë, secili me 10 minuta kohë në dispozicion.
Balla u shpreh se gjatë kësaj seance parlamentare do të trajtohen çështje dhe të vërteta të mëdha dhe grupi parlamentar i PS-së mezi po pret të zhvillohet kjo seancë.
Në lidhje e vendimin e Gjykatës Kushtetuese për mandatin e Olta Xhaçkës, Balla tha se ka mbërritur të premten në Kuvendin e Shqipërisë por megjithatë nuk është ai që vendos se kur do të trajtohet si çështje.
“Foltorja nuk mund te merret peng e te bllokohet nga askush për axhenda që nuk kanë të bëjnë me jetën e përditshme parlamentare. Siç jeni në dijeni ditën e enjte kemi përcaktuar me vendim të seancës së kuvendit për të mbajtur një mocion me debat dhe besoj se të gjitha grupet parlamentare duhet të përgatitën më së miri për ta shfrytëzuar këtë moment për një komunikimin me qytetarët shqiptarë dhe shpresoj të mos gjendemi me kërkesa të tjera procedural që pengojnë mbajtjen e këtij mocioni me debat, do të ketë një diskutim dhe çdo deputet do të ketë 10 minuta kohë, këtu kemi të bëjmë me një bashkim të disa kërkesave sepse ju e dini që rregullorja e Kuvendit I bashkon në një debat të vetëm të gjitha çështjet. Secili duhet ta ushtrojë kohën në funksion të komunikimeve me publikun. Grupi parlamentar i PS mezi po e pret këtë për të zhvilluar disa çështje dhe të vërteta të mëdha Vendimi i GJK për Olta Xhaçkën ka mbërritur të premten në Kuvendin e Shqipërisë dhe nuk jam unë që vendos nëse do të shqyrtohet apo jo, data 2 është e përcaktuar. Unë e kam thënë në një komunikim të kahershëm me ju, ne kemi detyrimin ti shqyrtojmë ato pika që ka ngritur si shqetësim presidenti i republikës dhe do të merren në konsideratë dhe komunikimi me të është i rëndësishëm. Megjithatë nuk vendos unë.”
Top Channel
