SHBA u bën thirrje Rusisë dhe Kinës: Mos shpërbleni sjelljen e keqe të Koresë së Veriut 16/04 13:56
Një reporter televiziv dhe një vajzë nëntë vjeçare janë qëlluar për vdekje pranë Orlando, Florida, afër skenës së një vrasjeje që ndodhi disa orë më parë.
Gazetari dhe nëna e vajzës u qëlluan dhe u plagosën nga i njëjti person, i cili dyshohet edhe për vrasjen e mëparshme.
Dy gazetarët e Spectrum News 13 po raportonin vrasjen e një 20-vjeçareje, të qëlluar për vdekje brenda një makinë, në zonë atë mëngjes kur i dyshuari adoleshent u kthye, thotë policia.
Është e paqartë nëse ata ishin në shënjestër. Pasi sulmoi gazetarët, i dyshuari Keith Moses, 19 vjeç, hyri në një shtëpi aty pranë dhe qëlloi vajzën dhe nënën e saj.
Nëna ishte në spital në gjendje kritike.
Në një konferencë shtypi, sherifi i zonës tha se gazetarët ishin pranë automjetit të tyre, i cili nuk dukej si automjeti zyrtar i një stacioni televiziv, kur ata u sulmuan rreth orës 16:00 me kohën lokale.
This is 19-year-old Keith Melvin Moses, the suspect in a series of shootings today that left three dead, in OCSO custody. This is a sad day for our community. Three were murdered today, including a woman in her 20s, a 9-year-old girl and a @MyNews13 employee. pic.twitter.com/DXXkxzRHl5
— Orange County Sheriff’s Office (@OrangeCoSheriff) February 23, 2023
Dyshohet se gazetari kishte një njohje me 20 vjeçaren e qëlluar në mëngjes por nuk kishte lidhje me vajzën e vogël dhe nënën e saj. Dyshohet po ashtu se 19-vjeçari ngatërroi gazetarët me polici.
Gazetarë të tjerë aty pranë ndihmuan në ofrimin e ndihmës së parë për viktimat, sipas reporterëve lokalë.
Charter Communications, kompania që zotëron stacionin televiziv, lëshoi një deklaratë duke e quajtur sulmin “një tragjedi të tmerrshme për komunitetin e Orlandos”.
Sekretarja e shtypit e Shtëpisë së Bardhë, Karine Jean-Pierre, ka shkruar ngushëllimet në Twitter, duke thënë: “Zemrat tona janë me familjen e gazetarit të vrarë sot dhe anëtarin e ekuipazhit të plagosur në Orange County, Florida, si dhe të gjithë ekipin e Spectrum News”.
Në vitin 2022 u vranë 40 gazetarë, sipas Komitetit për Mbrojtjen e Gazetarëve. Vetëm një nga të vrarët ishte në Shtetet e Bashkuara.
Top Channel
