Fuqia kurative e gjetheve të limonit, si t’i përdorni

Gjethet e limonit janë të pasura me vitaminë C që forcon sistemin imunitar dhe rrit nivelin e përthithjes së vitaminave nga organizmi. Pema e limonit përmban vitaminën P, që ndihmon në forcimin e enëve të gjakut. Gjethet e limonit në formën e vajit esencial që përdoret në lëkurë luftojnë inflamacionin.

Gjethet duhen mbajtur në ujë të ngrohtë për të shtuar urinimin, kundër kontraktimeve muskulare dhe problemeve me fytin. Limonët luftojnë bakteret dhe si rrjedhojë rekomandohen për probleme të ndryshme shëndetsore të shkaktuara prej tyre. Gjethet e limonit janë aromatike, kanë një ngjyrë të gjelbër të errët dhe me shkëlqim.

Përdorimet e tyre janë të shumta, për vetë faktin se nuk janë toksike dhe mund të përfshihen në gatim. Nëse ju ndodhet një pemë limoni në hapësirat tuaja, atëherë do të mund të përftoni prej saj shumë vlera dhe ushqyes.

Vlera shëndetësore

Gjethet e limonit kanë efekt qetësues dhe mund të trajtojnë çrregullimet e nervave si pagjumësia, nervozizmi dhe çrregullimet e rrahjeve të zemrës.

Për këtë, mbani 5 deri në 7 gjethe limoni në një filxhan me ujë të nxehtë për 15 minuta. Pijeni këtë lëng dy herë në ditë për të paktën 1 muaj, duke qenë se këto çrregullime nuk mund të trajtohen brenda natës.

Gjethet e limonit do të shërbejnë si një alternativë më e mirë se valiumi dhe qetësuesit e tjerë sintetikë të cilët kanë efekte anësore. Por rezultatet maksimale përftohen pas një përdorimi një mujor.

Mos prisni që pagjumësia apo nervozizmi të zhduken brenda natës. Për migrenën, azmën apo dhimbjet e kokës merrni dy grushta me gjethe të freskëta limoni dhe futini në një shishe me ujë të nxehtë. Lërini së bashku për 10 minuta.

Pini dy gota çdo natë për 2 javë. Kjo recetë rekomandohet për pacientët që vuajnë nga azma.

Gjethet e limonit përdoren edhe kundër parazitëve në aparatin tretës sipas të njëjtës recetë. Në këto raste rekomandohet të pini tre gota çdo natë për një javë./AgroWeb

Top Channel