Peshq të ngordhur, aromë mbytëse dhe letra higjenike/ Plazhet e Mbretërisë së Bashkuar ‘pushtohen’ nga jashtëqitja 04/05 12:49
Një aksident i rëndë është shënuar mbrëmjen e sotme në Elbasan, ku një 20-vjeçar humbi jetën pasi u përplas nga makina.
Ngjarja ka ndodhur rreth orës 21:25 në unazën e qytetit. Pasi përplasi të riun, autori është larguar nga vendngjarja. 20-vjeçari ka ndërruar jetë rrugës për në spital.
Aksi Elbasan-Librazhd është shndërruar shpesh në rrugën e vdekjes për këmbësorët, që nuk kanë mundësi tjetër për të hyrë në lagjen Krastë të qytetit të Elbasanit.
Disa muaj më parë, si zgjidhje për shmangien e aksidenteve, ARRSH vendosi një tra, që banorët pasi protestuan në rrugë, e hoqën në pamundësi të rrugëve alternative.
Njoftimi policisë:
Elbasan/ Informacion paraprak
Më datë 23.01.2023, rreth orës 21:25, në unazën e qytetit, një automjet ende i paidentifikuar, ka aksidentuar, këmbësorin shtetasin F. S., rreth 20 vjeç, dhe është larguar nga vendi i aksidentit.
Si pasojë shtetasi F. S., ka ndërruar jetë rrugës për në spital.
Grupi hetimor ndodhet në vendngjarje dhe po punon për zbardhjen e rrethanave të aksidentit, identifikimin dhe kapjen e drejtuesit të automjetit.
Top Channel
