VIDEO/ U bë “mollë sherri” për Icardin dhe Wanda Nara, aktorja e njohur argjentinase kapet “mat” me pilotin 11 vite më të ri
18/11 17:03
Mediat amerikane të ‘showbiz-it liberal’ pyesnin sonte: “Ku ndodhet Kanye West?
Zhurma po qarkullojnë se artisti që së fundmi ka ndryshuar emrin në Ye, “është zhdukur” pasi ish-menaxheri i tij i biznesit e kërkon për t’i dorëzuar një padi prej $4.5 milionë.
Rrjeti US Sun raporton se Thomas St. John ka paditur reperin dhe kompaninë e tij Yeezy, për tarifa të papaguara dhe është interesuar në gjykatë për të gjetur një adresë të Ye.
Zhurmat për zhdukjen e mundshme të milionerit 45-vjecar nisën kur rrjeti Daily Loud, ripostoi një koment të paditësit: “Kanye West është zhdukur dhe askush nuk mund të kontaktojë me të, sipas ish-menaxherit të tij të biznesit”.
Në një përgjigje të gjykatës thuhej se “megjithë përpjekjet tona nuk ishim në gjendje të përcaktojmë një adresë të zotit West, edhe pse kemi tentuar me postë në disa adresa”.
Reperi njihet që kërkon gjithmonë të tërheqë vëmendjen, teksa kohët e fundit këtë ka tentuar ta bëjë me retorika të gjata antisemite në rrjete sociale ose me disa lëvdata “ilegale” për liderin nazist Adolf Hitler, duke u bashkuar me një panel ‘konspiracionistësh’ në programin e teoristit të njohur amerikan Alex Jones.
“Kishte disa gjëra të mira Hitleri, çdo njeri ka disa vlera që mund të sjellë në tavolinë, aq më shumë Hitleri”, tha mes të tjerash West, duke u vënë përsëri në qendër të vëmendjes.
Top Channel
