Fermerët që prodhojnë vaji ulliri do të vazhdojnë të jenë në kërkim të tregut përsa kohë Ministria e Bujqësisë nuk punon për të garantuar eksportin e këtij produktit cilësor.
Vendet e BE nuk mund të pranojnë vajin e ullirit me origjinë nga Shqipëria, përsa kohë Ministria e Bujqësisë nuk e bind konsumatorin evropian me analizat laboratorike që tregojnë cilësinë dhe llojin e vajit të ullirit.
“Problemi në Shqipëri kalon sepse ne duhet patjetër të kemi infrastrukturën e analizave që të plotësojmë standardet. Vaji i ullirit karakterizohet në disa kategori: ekstra i virgjër, i virgjër, lampand. Në Shqipëri ne nuk e bëjmë dot këtë sepse ne na mungon pjesa me e rëndësishme ne nuk bëjmë dot vlerësimin orgrano-shqisor, sepse është ky vlerësim që mund të bëj karakterizimin e vajrave”, tha Onejda Kyçyk, eksperte e vajit te ullirit.
Në Shqipëri, çmimi i vajit të ullirit nuk vendoset nga cilësia, kjo sepse Ministria e Bujqësisë nuk ka ngritur panelin organo-shqisor që të përcaktojë llojin e vajit, mungesa e këtij paneli gjithashtu është dhe një pengesë se përse fermerët shqiptarë nuk mund të eksportojnë vaji ulliri.
“Për të vlerësuar anën cilësore të vajrave të ullirit bëhen analizat kimike, që nga cilësia e deri tek komponimet e vogla që tregojnë autoncitetin e këtij produkti edhe më pas kalojmë në vlerësimin organo-shqisor. Në Shqipëri tani që po flasim nuk ka një ekip në të cilin mund të bëjë vlerësimin organo-shqisor të vajit të ullirit. Nëse do të kalojmë për anën kimikë ka laboratore unë gjithmonë i referohem laboratorëve certifikuese që janë në zotërim të shtetit siç është ISUV, por kungon pjesa e vlerësimit. Kategorizimi në bazë të cilësisë se vajit ndryshon dhe çmimi. Si do të shitet vaji shqiptarë më çfarë kategorie?”, u shpreh ekspertja.
Ekspertja e vajit të ullirit Onejda Kyccyk, gjithashtu thotë se ne do të jemi gati atëherë kur tregu i vajit të ullirit të jetë formalizuar në pika grumbullimi që garantojnë cilësinë dhe sasinë që kërkon tregu ndërkombëtarë.
Top Channel
