Arben Ahmetaj përpiqet të mbajë profil të ulët publik.
Edhe këtë të mërkurë ai ka shkuar në Kuvend duke hyrë nga dera e pasme e parlamentit për t’ju shmangur pyetjeve të gazetarëve në oborrin e kuvendit.
Ndërkohë dy ditë më parë ra në sy mungesa e tij. Grupi Parlamentar socialist së bashku me qeverinë u mblodhën në një takim informal në një nga restorantet e Elbasanit.
Ky takim zhvillohet çdo vit para festave të fundvitit dhe në të marrin pjesë të gjithë deputetët socialistë dhe anëtarët e qeverisë. Që të gjithë kanë marrë ftesa nominale për të qenë pjesë e kësaj darke festive. Por në tavolinat e socialistëve u vu re mungesa e deputetit Arben Ahmetaj.
Shumë prej deputetëve e komentuan mes tyre mungesën dhe të gjithë kishin variante të ndryshme të arsyes së mungesës, që nga gjendja jo e mirë shëndetësore deri tek angazhimi në një projekt ndërkombëtar në Marok.
Në darkën e socialistëve mungonin edhe emra të tjerë anëtarë të grupit, dy prej të cilëve, Lefter Koka dhe Alqi Bllako janë në burg për çështjen e inceneratorëve.
Ndërkohë që edhe pse ka prova për Arben Ahmetajn ndaj tij nuk ka ende një padi, dhe provat janë anashkaluar nga dy prokurorët e çështjes.
Top Channel
