Bie çmimi i naftës ndërsa zbutet tregu i punës në Shtetet e Bashkuara 25/04 07:55
Princ Harry ka folur për herë të parë për prishjen e marrëdhënies së tij me vëllain William dhe fajësoi mediat që Meghan pësoi një abort, në episodet e fundit të dokumentarit të çiftit.
Vëllimi i dytë i Harry & Meghan shkon shumë më larg se i pari, me Harry që akuzon William se i ka bërtitur në një takim familjar.
Në pjesën e dytë të dokumentarit Harry kujton një takim me Mbretëreshën, babanë e tij dhe William, tani Princi i Uellsit, në lidhje me planet e ardhshme të çiftit pasi ata kishin njoftuar se donin të tërhiqeshin si anëtarë të familjes mbretërore.
Duke kujtuar atë që ndodhi në prapaskenë pasi Mbretëresha i thirri në Sandringham në janar 2020.
“Unë hyra me të njëjtin propozim që kishim bërë tashmë publikisht, por sapo arrita atje m’u dhanë pesë opsione. Ishte e tmerrshme që vëllai im të më bërtiste në atë mënyrë dhe babai im thoshte gjëra që thjesht nuk ishin të vërteta. Dhe gjyshja ime, e dini, thjesht qëndronte aty në heshtje. ju duhet të kuptoni se, nga këndvështrimi i familjes, veçanërisht nga këndvështrimi i saj, ka mënyra për t’i bërë gjërat dhe misioni, qëllimi/përgjegjësia e saj përfundimtare është institucioni”, thotë Harry.
Sipas tij se Mbretëresha vepronte sipas këshillave që i ishin dhënë nga stafi. Ndër të tjera Harry flet për “gënjeshtra” në familjen mbretërore dhe e krahason trajtimin e Meghan në media me atë të nënës së tij, Dianës.
Top Channel
