Mbyllen takimet për datën e zgjedhjeve, Begaj: Opinionet udhëhiqeshin nga interesi i zgjedhësve dhe jo nga përllogaritjet meskine 25/11 14:05
Për Presidentin e Republikës, pritshmërite për anëtarësimin e vendit në BE janë të larta, por secili duhet të kryejë në kohë e si duhet detyrat e shtëpisë.
Kështu iu përgjigj, Kreu i Shtetit interesit të medias, lidhur me pritshmëritë e samitit BE-Ballkani Perëndimor i cili pritet të mbahet në Tiranë më 6 dhjetor.
“Në fakt pas disa ditësh do të mbahet samit BE-Ballkani Perëndimor, një përgjegjësi shumë e madhe për vendin tonë. Të përcaktohen qartë detyrat, dhe proceset. Pritshmëritë janë të larta, në Shqipëri është vendi ku sipas sondazheve është përqindja më e lartë e popullatës që kërkon anëtarësimin në BE.
Procesi nuk ka një afat të përcaktuar, secili duhet të bëjë detyrat e shtëpisë. Duhet që vendi të punojë me të gjithë vendet partnere për të realizuar në kohë të gjithë kriteret. Koha, do të varet nga puna e gjithësecilit.” -u shpreh Begaj.
Top Channel
