Thellohet skandali i P Diddy! Dëshmia shokuese: Ka abuzuar me Justin Bieber 17/11 22:47
Së fundmi, këngëtarja e njohur Jessie J ka publikuar në rrjetin e saj social Instagram një shkrim teksa ka reflektuar mbi pikëllimin që i shkaktoi aborti rreth një vit më parë. 34-vjeçarja e cila planifikoi të kishte një fëmijë vetë, u shkatërrua kur humbi tragjikisht foshnjën e saj të palindur.
Me anë të një postimi në Instagram, Jessie shkroi një mesazh me shpresën se mund të ndihmojë të tjerët që kalojnë të njëjtën tragjedi.
“Sot, një vit më parë më thanë se fëmija im nuk kishte më rrahje zemre. Edhe pse mund ta tregoj tani historinë pa qarë, kam dhe ende gjëra pozitive që më dha përvoja. Ende më dhemb dhe gjithë ditën kam menduar vetëm për të gjitha gratë, burrat dhe familjet që e kanë kaluar këtë shumë herë dhe sa tepër të fortë janë. Koha ndihmon, por ajo kurrë nuk zbehet me të vërtetë. Dërgimi i dashurisë dhe forcës në zemrën e kujtdo që e ka ose po e përjeton këtë tani. Fëmijën tim të vogël, e ndjej kudo. Sidomos sot”.
Jessie, emri i vërtetë i së cilës është Jessica Cornish, tha se po përpiqet përsëri për një fëmijë dhe vuri në dukje se trupi i saj po ndryshon formë si rezultat. Duke ndarë historinë e saj me audiencën në një koncert në Londër, Jessie tha:
“Kam shtuar peshë dhe nuk kam qenë në palestër për shumë vite, por sinqerisht, ndihem mirë. Nuk jam më 17 vjeçe dhe dua të bëj një foshnje dhe unë po përpiqemi ta bëjmë këtë dhe trupi im po ndryshon formë”.
Sipas The Sun, Jessie tha se më në fund ndihet e qetë me jetën e saj.
“Ndjehem sikur njerëzit më kuptojnë më shumë se dhjetë vjet më parë. Të gjithë donin që unë t’i shkruaja ato këngë. Unë isha në LA vetëm dhe mbaj mend që shikoja veten në pasqyrë dhe isha e fiksuar për të qenë perfekte. Ndihesha sikur duhej të isha ajo që njerëzit donin të pranohesha”./ TAR
Top Channel
