“Martin sot na sheh nga lart”/ Qirinjtë qëndrojnë ende të ndezur në vendin ku u vra 14-vjeçari: Nuk do t’i harrojmë kurrë sytë e tu të bukur si deti 23/11 23:05
Ka vijuar me tensione dhe debate të forta seanca parlamentare në Kuvend kur fjalën e mori deputeti demokrat Agron Shehaj.
Teksa akuzoi qeverinë për projektin e Portit të ri të Durrësit, Shehaj tha se ‘pasi Rama i dha Gjiknurit parkun e Butrinit, portin e do për vete’.
I ashpër ishte edhe reagimi i Damian Gjiknurit, i cili e ofendoi deputetin e PD me termin ‘budalla’.
Debati në Kuvend:
Agron Shehaj: Në këtë parlament miratohen çdo ditë ligje për të pasuruar kryeministrin dhe ministrat dhe miqtë e tyre në kurriz të qytetarëve shqiptarë. Shikoni rastin e ministres së Jashtme, u mor një vendim korruptiv për të shpallur ministren e Jashtme nvestitore strategjike. Në fillim ministrja u fsheh pas bashkëshortit e më pas kur i doli boja, u fsheh pas kunatës. Kjo qeveri që bëri investitorë strategjike ministren do të votojë kundër për heqjen e mandatit.Pyëtja është me kë është kjo maxhorancë, me qytetarët apo ministren strategjike. Pavarësisht votës tuaj kundër ne do t’i drejtohemi Gjykatës Kushtetuese. Mandati i ministres së jashtme nuk është çështja më e rëndësishme tani. Këtu parlamenti kthehet në mbrojtjen e hajdutëve. Kjo është një qeveri e cila orkestron çdo ditë një aferë. A nuk ndodhi kështu me unazën e madhe, me kushërinjtë e Damian Gjiknurit në Parkun e Burtrintit.Ku janë kompanitë e huaja, ishin një mashtrim, të gjithë e panë që nuk ishte asnjë kompani prestigjoze.Hajdutët e vërtetë janë në këtë sallë. Të gjithë me qëllim dhe vetëdije të plotë. Ju nuk keni asnjë kufi, mashtrim mbi mashtrim. Tani ka vendosur të marrë Portin e Durrësit. Pasi i dha Xhackës plazhin e Dhërmiut, zvogëloi parkun e Butrintit për Gjiknurit, tani merr portin për verte. Mashtroi qytetarët duke thënë se qëndronte EMAAR por sot del Alabbar. Përmes një kompanie offshore, pastaj i thirrët mendjes. Përfituesit e vërtetë janë këtu, keni kapur çdo pushtet, nuk i trembeni as drejtësisë, as opozitës . I keni bërë llogaritë gabim.
Damian Gjiknuri: Këtë e kam quajtur ‘idjot të dobishëm’Mos e përdor këtë foltore për të zëvendësuar Gjykatën e Tiranës. Në gjyq je për shpiftje. Ti je një rast interesant. Ti sfidon ligjet e natyrës se si ka mundësi të bëhesh ti i pasur me këtë pamjen tëndë dhe budallallëqet që nxjerr nga goja. Ti duhet të jesh një rast i mirë për t’u studiuar.Ngjall besimin e shumë njerëzve sesi të bëhesh I pasur. Po të qe për ndërtim shiko ndërtimin tënd, se ke ndërtim aty te ambasada je fshehur me emër tjetër. Më trego sekretin sesi një budalla mund të bëhet i pasur pasi do t’u jepje shpresa miliona njerëzve.
Agron Shehaj: Më tha hajdut dhe budalla. Është hajdut, një hajdut që vetëm shan. Je një copë hajduti.Do dalësh në gjyq, e kupton apo jo. Je një hajdut i qelbur. Po të kishte drejtësi…Nuk ke nga ta kuptosh sesi një njëri mund të bëhet i pasur me punë, se ti nuk e di çfarë është puna. Kam punuar Damian, kam punuar.
Top Channel
