Plagosja/ Kryebashkiaku i Divjakës niset drejt Tiranës, shoferi i tij në gjendje të rëndë
11/11/2022 13:52
Pas ngjarjes së rëndë të ndodhur ditën e sotme në Divjakë, ku mbetën të plagosur kryebashkiaku Fredi Kokoneshi dhe shoferi Gazemend Bullari, ky i fundit është paraqitur në gjendje më të rënduar shëndetësore.
Burime për Top Channel bëjnë me dije se pas ndërhyrjes kirurgjikale, kryebashkiaku Kokoneshi është paraqitur në gjendje më stabël, gjë e cila I ka lejuar të transportohet drejt Traumës në Tiranë.
Ndërsa gjendja e Bullarit paraqitet kritike, ndaj shoferi nuk mund të transportohet momentalisht drejt një spitali tjetër, pasi gjendja e tij mund të përkeqësohet.
Top Channel