SHBA/ Komandanti i Komandës Strategjike: Kina po përparon shumë më shpejt me programin e armëve bërthamore

05/11/2022 11:23

Komandanti i Komandës Strategjike të SHBA, Charls Richard i cili mbikëqyr programin e armëve bërthamore të SHBA-së, paralajmëroi se Kina po zhvillon armë bërthamore shumë më shpejt se sa SHBA dhe e quajti çështjen një “problem afatshkurtër”, gjatë një fjalimi në fillim të kësaj jave.

Ndërsa zyrtarët e Pentagonit kanë dhënë alarmin për ndërtimin ushtarak të Kinës dhe zhvillimin e armëve bërthamore për vite me radhë, komentet e Richard-it e përshkruajnë situatën si më të tmerrshme sesa zyrtarët e tjerë e kanë deklaruar publikisht.

“Ndërsa vlerësoj nivelin tonë të mbrojtes kundër Kinës, anija po fundoset ngadalë. Po fundoset ngadalë, por po fundoset, pasi në thelb ata po e vendosin aftësitë e tyre në fushë më shpejt se ne”, tha Charles Richard.

“Kina është i vetmi konkurrent me qëllimin dhe aftësinë gjithnjë e më shumë për të sfiduar sistematikisht Shtetet e Bashkuara në të gjithë bordin, ushtarakisht, ekonomikisht, teknologjikisht, diplomatikisht,” tha një zyrtar i lartë i mbrojtjes në lidhje me strategjinë.

Top Channel