Pamjet/ Detajet nga plagosje me thikë në Durrës, përfundon në spital 16-vjeçari

Ngjarja ndodhi pranë sheshit “Pranvera” në lagjen 11 të qytetit. Dy të rinj, përkatësisht 16 dhe 20 vjeç, janë konfliktuar fizikisht me njëri-tjetrin, pak para se në shkollën pritëse “Shaqe Mazreku” të niste mësimi në turnin e pasdites për gjimnazin “Naim Frashëri”.

Në sherr e sipër, 20-vjeçari Alesjo Musaj dyshohet se e ka qëlluar me një thikë 16-vjeçarin pranë një lokali në zonë. Ngjarja ndodhi për motive të dobëta.

I mituri i plagosur është dërguar në spital ku ndodhet jashtë rrezikut për jetën, ndërsa policia e Durrësit ndaloi autorin e dyshuar dhe po vijon hetimet për zbardhjen e plotë të ngjarjes.

“Plagosi me mjet prerës(thikë), një 16-vjeçar, gjatë një konflikti për motive të dobëta, kapet menjëherë nga shërbimet e Policisë dhe vihet në pranga autori i dyshuar. Rreth orës 12:55, në lagjen nr. 11, Durrës, dyshohet se gjatë një konflikti për motive të dobëta, midis shtetasit A. M., 20 vjeç dhe një 16-vjeçari, në ambientet e jashtme të një lokali, shtetasi A. M. ka plagosur me mjet prerës (thikë), 16-vjeçarin, i cili ndodhet në spital, nën kujdesin e mjekëve. Menjëherë, shërbimet e Policisë kanë mbërritur në vendngjarje dhe kanë shoqëruar në Komisariat, për veprime të mëtejshme, shtetasin A. M. Vijon puna për dokumentimin e plotë të kësaj ngjarjeje”, sipas policisë.

Top Channel