Ekspozita e Van Gogh në Korçë, java kulturore holandeze sjell në Korçë ekspozitën digjitale me disa prej veprave të tij
08/09 20:31
Që prej të premtes në TKOB po zhvillohet Festivali Ndërkombëtar i Dancit Bashkëkohor, i cili u çel me dy mbrëmje magjike nga koreografi i mirënjohur Angjelin Preljocaj.
Ai solli për publikun shqiptar “Udhëtim në dimër” të Schubert, të cilin e ka vendosur më herët në La Scala, me kompaninë e tij të Baletit.
Është një kënaqësi shumë e madhe për mua të vënë këtë shfaqe baleti që e kam vënë dhe në la Scala. Dhe tani ta sjell në Tiranë është me të vërtetë një eksperiencë më vete. Sepse është kompania ime që e luan këtë balet. Gjithmonë që vij gjej dinamika të reja dhe është shumë stimuluese. Veprat e mia nuk janë gjithmonë melankolike. Ka balete të gëzueshme, por edhe tragjike. Ky këtu është shumë melankolik. Është një udhëtim i dimrit. Është udhëtimi i një burri që ka humbur dashurinë dhe nuk gjen ngushëllim nga kjo humbe. Është një udhëtim që ka ndjenja të vërteta.
Ky festival erdhi në Shqipëri me inisiativën e Preljocaj dhe njëkohësisht mbështetjen e platformës së artit bashkëkohor dhe mendimit ndryshe “ Harabel”. Me ambicien për t’u kthyer një festival i përvitshëm
I radhës do të jetë Blenard Azizaj, me dy shfaqe sot dhe nesër në Teatrin e Operas me trupën nga Berlini, e më pas Eno Peçi me trupën e Vjenës, për t’u përmbyllur me Gentian Dodaj.
Festivali do të përmbyllet me shfaqen Ghost, po nga Preljocaj më 4 nëntor. Kësaj here në bashkëpunim me trupën e baletit të TKOB.
Top Channel
