Përdoruesit në rrjetin Instagram në të gjithë botën po raportonin sot probleme për të hyrë në profilet e tyre.
Rrjeti social në pronësi të ‘Meta’ tha se është duke kontrolluar për problemin, në të cilin shumë përdoruesve u është deklaruar se “janë të pezulluar nga platforma”.
DownDetector – rrjeti monitorues i dështimeve të internetit – tha se kishte zbuluar disa mijëra përdorues të prekur.
Disa prej tyre u është raportuar se “llogaria e tyre është pezulluar për 30 ditë”, në masën e ngjashme me veprimet e marra ndaj përdoruesve që sipas rrjetit “nuk respektojnë standardet e komunitetit”, gjithashtu një politikë tepër e kritikuar për abuzime dhe anësi politike.
Në një deklaratë të Instagram Communications thuhej: “Jemi në dijeni se disa prej jush kanë probleme për të hyrë në llogaritë e tyre në Instagram.”
“Po e shikojmë problemin dhe ju kërkojmë ndjesë për ndërprerjen.”
Kompania ende nuk ka ofruar detaje për atë që ka shkaktuar çështjen e pazakontë.
Edhe javën e kaluar aplikacioni i njohur WhatsApp gjithashtu në pronësi të Meta ndaloi funksionimin për afro dy orë.
Top Channel
