Gjyshja bën transplantin e parë të veshkës së derrit të kombinuar me një pompë zemre mekanike! Si është gjendja e saj
25/04 13:56
Një vogëlushe ka humbur jetën, pasi është shkelur nga një gjirafë në një konservator në Afrikën e Jugut, ndërsa nëna e saj ndodhet në spital në gjendje kritike.
Vajza 16-muajshe jetonte me nënën e saj në parkun luksoz Kuleni Game në provincën KwaZulu-Natal, ndërsa një ngjarje e tillë është konsideruar si e pazakontë.
Policia i tha se detajet ishin ende të paqarta, por hetimet do të vijojnë për të përcaktuar se çfarë ndodhi.
“Fëmija u dërgua në dhomën më të afërt të mjekut ku ajo vdiq”, tha togeri i policisë Nqobile Madlala për BBC.
Parku është 16 km jashtë Hluhluwe në KwaZulu-Natal dhe mbetet një provincë e njohur për turistët vendas dhe ndërkombëtarë.
Gjirafat janë gjitarët më të gjatë në botë dhe zakonisht nuk janë agresivë, ndërsa aty vizitorët mund të qëndrojnë t’i shohin.
Një ngjarje e tillë ëtë e njëjtë me atë të vitit 2018, ku gruaja dhe djali i shkencëtarit britanik Sam William u shkelën nga një gjirafë femër në Blyde Wildlife Estate në Afrikën e Jugut. Të dy u trajtuan në një spital privat në Johannesburg dhe u shëruan.
Top Channel
