Tifozja kroate ‘shkund’ rrjetet sociale, foto provokuese nga Ibiza me bikini rozë
01/05 09:38
Mbreti Karl III thuhet se do ta ndalojë Princin Harry të marrë pjesë në kurorëzimin e tij nëse në librin që pritet të publikohet së shpejti, ai do të sulmojnë Mbretëreshën Bashkëshorte Camila.
Një burim për Daily Beast tha se:
“Është një gjë që Harry të sulmojë Karl-in, por nëse Harry e detyron atë të zgjedhë, duke përfshirë Camila-n në librin e tij, nuk kam dyshim se ai do të zgjedhë Camila-n”.
Një tjetër burim i brendshëm i tha gazetës se Harry dhe Meghan Markle janë në një listë pritjeje për ceremoninë e vitit 2023, duke nënkuptuar se ende nuk është vendosur nëse do të ftohen apo përjashtohen.
Libri me kuntime i Harry-t ishte planifikuar të botohej në nëntor, por data u shty pas vdekjes së Mbretëreshës. Në fillim të këtij muaji, biografi mbretëror Tom Bower i tha Page Six se Charles dhe anëtarët e familjes së tij janë shumë nervozë për librin, duke e quajtur atë një “bombë me sahat”.
Kurorëzimi i mbretit do të bëhet në 6 maj të vitit të ardhshëm në Westminster Abbey në Londër, gjë e cila është njoftuar nga Pallati Buckingham.
Shërbimi do të jetë më modern se kurorëzimi i mëparshëm mbretëror dhe “do të shohë drejt së ardhmes”, tha pallati në një deklaratë duke shtuar se ceremonia do të jetë padyshim e mbështetur në traditat e vjetra.
Kryepeshkopi i Canterbury Justin Welby do të drejtojë ceremoninë, e cila do të shohë Karlin e Tretë të kurorëzuar së bashku me gruan e tij Camilla, bashkëshortja mbretëreshë.
Top Channel
