Historia e pabesueshme e 93-vjeçarit që ka moshën biologjike të një 30-vjeçari! Richard Morgan tregon sekretin e tij 19/04 09:08
Jada Pinkett Smith pritet që së shpejti të publikojë një libër që do të detajojë martesën e saj të ndërlikuar me Will Smith.
Në një deklaratë, botuesi i librit thotë se:
“Jada Pinkett Smith tregon mësimet e nxjerra në rrjedhën e një udhëtimi të vështirë, por tërheqës. Një udhëtim nga thellësitë e depresionit deri në majat e rizbulimit personal dhe kremtimit të fuqisë autentike femërore”.
Njoftimi shtoi se Pinkett Smith do të tregojë edukimin e saj jokonvencional në Baltimore, miqësinë e saj me reperin e ndjerë Tupac Shakur dhe romancën e saj me Will Smith.
“Kujtimet e saj ka të ngjarë të trajtojnë betejën e saj me alopecinë dhe shakanë e “hidhur” në Oscars 2022”.
Në qershor, aktorja e “Matrix Reloaded” tha në “Red Table Talk” se shpresonte që Smith dhe Chris Rock të pajtoheshin. Ndërkaq, për Chris Rock, rikthimi në Oscars 2023 nuk është një opsion. Top Albania Radio shkruan se komediani 57-vjeçar i tha audiencës në shfaqjen komedi Phoenix së fundmi se atij iu kërkua të merrte pjesë në eventin e vitit të ardhshëm por e refuzoi mundësinë.
Ai i tha turmës se kthimi në Oscar do të ishte si rikthimi në skenën e një krimi. Rock gjithashtu tha se atij iu ofrua dhe refuzoi, një reklamë të Super Bowl pas shuplakës. Rikujtojmë, se Apple TV+ ka publikuar së fundmi trailerin e filmit të ri “Emancipation” të Will Smith. Kompania thuhet se ishte në bisedime për të shtyrë publikimin e filmit pas skandalit të Smith në Oscars 2022. Megjithatë, platforma duket se më në fund arriti një marrëveshje dhe publikoi trailerin për filmin, gjatë ditës së kaluar.
Top Channel
