FOTO/ Zbulohet shkresa e plotë e SPAK, padia e Olsi Ramës nuk u pranua pasi Bardhi nuk bëri kallëzim kundër tij
25/04 14:53
Kur Cecil Beaton fotografoi Madhërinë e Saj Mbretëreshën për të shënuar kurorëzimin e saj, në vitin 1953, sfondi është i rremë.
Fotoja në fakt është shkrepur në një dhomë në Pallatin Buckingham, me Westminster Abbey të përfaqësuar nga një perde teatrale, një skenë në të cilën Mbretëresha luan rolin e saj.
Edhe portreti i Lucian Frojdit i 2001-shit, u kritikua gjerësisht në shtyp. I vetmi që e mbrojti ishte Adrian Searle, kritiku i artit të The Guardian, duke thënë se ai ishte portreti më i mirë mbretëror për “të paktën 150 vjet”. Ai shkroi se “portreti supozohet të hyjë nën lëkurë; dhe kjo në vetvete nuk është një arritje e keqe”.
Portreti i Chris Levine i vitit 2004 tregon pompozitetin dhe vendosmërinë e zakonshme – por është një imazh i kapur mes pozave formale dhe syve të mbyllur. Është vërtet e bukur, krejtësisht rrezatuese, por mbart gjithashtu një ndjenjë të rrallë autenticiteti: këtu është Mbretëresha private, ajo që për një moment ka hyrë brenda.
Kontrolli i rreptë i imazhit zyrtar të Mbretëreshës ka rezultuar në efektin e vet interesant anësor. Mbretëresha nuk na duket si një person real: ajo është bërë, përkundrazi, një simbol.
Mendoni për Andy Ëarhol-in që i dha Elizabeth II-it trajtimin me silk screen dhe me ngjyra të Pop Artit në 1985, duke dëshmuar se ajo është po aq ikonë sa Marilyn Monroe.
Kohët e fundit, artistët e rrugës, përfshirë Banksy dhe Pegasus, kanë zgjedhur imazhin e saj. Në një mural me shabllon jashtëzakonisht apolitik dhe jo-kritik në Bristol në vitin 2012, Banksy bashkoi Zonjën me ikonën David Bowie.
Megjithatë, si shumë përqasje të Mbretëreshës, ka një sasi të madhe afeksioni në rishpikjet e saj artisike. Dhe këto përshkrime janë ndoshta më pak për vetë Mbretëreshën, sesa për të festuar njëfarë ndjenje të “britishizmit”.
Top Channel
