Gledis Nano, ish-drejtori i përgjithshëm i policisë së shtetit, sot ka qenë kryefjala e hakerave iranian. Grupi “Homeland Justice”, ka publikuar komunikimet sekrete të Nanos me partnerët ndërkombëtare për çështje delikate.
Publikimi i këtyre të dhënave sipas ekspertëve të IT, kalon kufirin e cënimit të të dhënave personale, kësaj here vendoset në rrezik siguria kombëtare.
“Sulmi ka ndodhur si në rastin e AKSH-IT nëpërmjet melserverit exchange që është shërbim i microsoftit dhe më pas ka marrë akses në infrastrukturat e tjera, e gjitha kjo ka ndodhur sepse të gjithë infrastrukturat kanë qenë në të njëjtin domain. Në rastin e sistemit TIMS duke qenë se është një sistem i mbyllur dhe teknikisht është shumë e vështirë për të marrë informacione. Sulmi ka tentuar që të thyej sistemi tonë të mbrojtjes, duke rrëzuar kodet duke depërtuar në brendësi të tij, duke mbledhur informacion dhe më pas duke i përdorur ato.”- tha Esmeralda Kazia, eksperte it
Në 10 shtator Shqipëria u përball me sulmin e dytë kibernetik, kësaj herë ishte sistemi TIMS. Në atë kohë reagimi I kreu të qeverisë, Edi Rama erdhi nëpërmjet një postimi në twitter. Ku sipas tij hakerat e cilësuar si hajdutë, kishin hyrë në serverat qeveritar shqiptarë, por që nuk kishin vjedhur asgjë.
“Përtej ndjesisë së rëndë që krijon penetrimi në këto sisteme, njësoj si kur të hynë në shtëpi e të vjedhin, fakti është se agresioni nuk ia ka arritur asfare qëllimit, asnjë zhduke a rrjedhje serioze të dhënash. “
Publikimi i emaileve sekrete, shenjave të gishtërinjve të qytetarëve shqiptarë, dhe historiku i llogarisë bankare të Gledis Nanos, tregoi të kundërtën.
“Dihet që zakonisht të dhënat në të tilla raste të dhënat publikohen në momentin që ti nuk ke më nevojë për to. Pra ato e humbasin vlerën kur publikohen. “- tha Erion Demiri
“Kjo është një dëshmi për të treguar që ne realisht i dispmonojmë këto të dhëna, sepse në sistemin TIMS arrin që të ruhen të dhënat e qytetarëve ashtu sikurse në rast se dikush ndërron emër, mbiemër, pamjen. Të gjitha këto ndryshime arrijnë të pasqyrohen në pasaportën e mëparshme dhe janë pjesë e TIMS-it.“- tha Esmeralda Kazia, eksperte IT.
Por a do të ndalet ushtria kibernetike e Iranit? Përgjigjën e kësaj pyetje e jep ekspertia e IT, Esmeralda Kazia.
” Mund të kemi përshkallëzime të sulmit.”
Top Channel
