Një 54-vjeçar është arrestuar në Tiranë, pasi ka përfituar para nga dy persona.
I arrestuari S. P., 54 vjeç akuzohet për veprën penale “Mashtrimi”, pasi dyshohet se në periudha të ndryshme kohore ka marrë para nga E. P., 36 vjeç dhe A. B., 61 vjeç
“Përvetësoi shuma të konsiderueshme parash, nëpërmjet mashtrimit, vihet në pranga. Specialistët për Hetimin e Krimeve Ekonomiko-Financiare të DVP Tiranë, në vijim të punës për goditjen e paligjshmërive, pas kallëzimeve të marra se një shtetas përvetësonte shuma të konsiderueshme parash me anë të mashtrimit, menjëherë kanë organizuar punën për kapjen dhe vënien e tij përballë përgjegjësisë ligjore.
Shërbimet e Policisë kanë ndaluar shtetasin S. P., 54 vjeç, për veprën penale “Mashtrimi”, pasi dyshohet se në periudha të ndryshme kohore, nëpërmjet mashtrimit, ka përvetësuar shuma të konsiderueshme parash nga shtetasit E. P., 36 vjeç dhe A. B., 61 vjeç. Materialet i kaluan Prokurorisë, për veprime të mëtejshme procedurale”, sipas policisë.
Top Channel
