U konfliktuan për motive të dobëta, 35-vjeçari godet me thikë kunatin në Tepelenë

15/09/2022 16:53

Një plagosje me thikë ka ndodhur në Tepelenë pasditën e sotme, ku një 35-vjeçar është konfliktuar me kunatin e tij.

Policia bën me dije se ngjarja ka ndodhur në lagjen “15 Shtatori”, ndërsa I plagosuri 40-vjeçari me inicialet L.SH. është transportuar në spital ku ndodhet nën kujdesin e mjekëve.

Autori me inicialet R.S  është shoqëruar në Komisariat ku po kryhen procedurat në lidhje me ngjarjen.

Tepelenë/Informacion paraprak

Rreth orës 15:40, në lagjen “15 Shtatori”, Tepelenë, dyshohet se shtetasi R. S., rreth 35 vjeç, banues në Tepelenë, ka goditur me mjet prerës, për motive të dobëta, kunatin e tij, shtetasin L. Sh., rreth 40 vjeç, banues në fshatin Hormovë, Tepelenë, i cili është transportuar në Spitalin Rajonal Gjirokastër dhe ndodhet nën kujdesin e mjekëve.

Shërbimet e Komisariatit të Policisë Tepelenë, falë veprimeve të shpejta dhe profesionale, kanë bërë të mundur kapjen e autorit të dyshuar të ngjarjes, shtetasit R. S. dhe shoqërimin e tij në ambientet e Komisariatit të Policisë Tepelenë, për kryerjen e veprimeve procedurale.

Grupi hetimor po punon për zbardhjen e rrethanave të ngjarjes.

 

Top Channel