![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Etiopianët hynë në Vitin e Ri sipas kalendarit autokton, sipas të cilit sot është dita e parë e vitit 2015.
Dita e parë e vitit, e cila në Etiopi quhet “enkutata”, konsiderohet si fundi i sezonit të shirave, ashtu edhe fillimi i periudhës së vjeljes.
Në vendin, i cili ka qenë skena e konflikteve dhe krizave politike dy vitet e fundit, politikanët dhe liderët fetarë dërguan mesazhe paqeje për Vitin e Ri.
Kryeministri Abij Ahmed në mesazhin e tij ftoi popullin që të jetë pjesë e përpjekjeve që do të kontribuojnë në shpresën e vendit për një të ardhme më të mirë në Vitin e Ri.
Kalendari etiopian, i njohur gjithashtu si kalendari Ga’ez, bazohet në Diell dhe është shtatë vjet e tetë muaj prapa kalendarit Gregorian.
Ky kalendar përdoret si në çështje fetare ashtu edhe në ato zyrtare shtetërore në Etiopi. Kalendari ka 12 muaj nga 30 ditë secili dhe pesë ose gjashtë ditë epagomenale shtesë që konsiderohen muaji i 13-të i vitit.
Çdo vit i katërt është një vit i brishtë dhe Viti i Ri fillon më 11 ose 12 shtator në një vit të brishtë.
Etiopia gjithashtu përdor sistemin e vet të kohës ku dita fillon në 06:00, jo në 00:00.
Dita përbëhet nga dy pjesë të ndryshme nga 12 orë secila dhe zona e parë kohore fillon në orën 06:00 dhe e dyta fillon në orën 18:00.
Top Channel