“Gati shqipe”! Turi me diasporën, Rama sot takim me shqiptarët e Londrës 24/11 09:00
Raundi i tretë i turneut US Open rezultoi të ishte etapa e fundit për Andy Murray.
Tenisti britanik nuk mundi të kalonte më tej teksa u mposht në katër sete me shifrat 1-3, nga ana e Matteo Berretinit. Italiani ishte gjatë gjithë kohës në udhëheqje të sfidës teksa fitoi dy setet e para me shifrat identike 4-6, 4-6. Në setin e tretë, Murray provoi të reagonte dhe të mbante ndezur shpresat për fitore teksa e fitoi setin 7-6 në “tie break”.
Gjithsesi, kjo shërbeu vetëm për të shtyrë më tej festën e Berretinit, pasi në setin e katërt italiani u rikthye dominues dhe e përfundoi ndeshjen pasi fitoi setin me shifrat 3-6. Në 1/8-tat, Berretini do të përballet me Davidovich.
Ndërkohë, Daniil Medvedev, fituesi në fuqi i US Open kaloi po ashtu pa probleme raundin e tretë teksa mundi pastër me shifrat 3-0, kinezin Wu. 6-4, 6-2, 6-2, në një ndeshje që nuk shkoi më shumë se dy orë dhe rezultoi një formalitet për rusin që tashmë në turin pasardhës e pret përballja impenjative me Nick Kyrgios. Pikërisht, edhe tenisti australian nuk vuajti në sfidën e tij duke triumfuar me shifrat 3-0 ndaj tenistit të shtëpisë, amerikanit Wolf. 6-4, 6-2, 6-3 i mjaftoi Kyrgios që tashmë mendon për përballjen me Medvedev.
Sa i përket, femrave, u dorëzua Serena Williams.Tenistja amerikane u mposht në tre sete me shifrat 2-1 nga Ajla Tomljanovic, ishte pikërisht australiania që fitoi setin e parë 7-5, ndërsa në të dytën, 40-vjeçarja amerikane u stërmundua dhe ia doli të barazonte pasi fitoi setin me shifrat 7-6 falë “tie-break”.
Por, në setin pasardhës, freskia e Tomljanovic bëri diferencën dhe Serena u mposht me shifrat 6-1 duke u eliminuar ndërsa lajmëroi edhe tërheqjen nga sporti. Ndërkaq, rrugëtimin për në 1/8-tat e vijon Caroline Garcia, Cori Gauff e Ons Jabeur. Kujtojmë se US Open mund ta ndiqni në Eurosport nëpërmjet patlformës DigitAlb./supersport
Top Channel
