Kylie Jenner na dhuron çaste të ëmbla me vogëlushen Stormi, gjatë klipit promovues të serialit të familjes

02/09/2022 19:38

Kylie Jenner ndau një pamje nga prapaskenat e një xhirimi promovues për sezonin e dytë të serialit të familjes së saj të famshme, “The Kardashians”, në Hulu.

Pasi pozoi për foto të veçanta me një fustan ngjyrë bezhë dhe flokët e saj me shkëlqim në një stil elegant, 25-vjeçares iu bashkua vajza e saj Stormi Webster.

Pas një ndryshimi magjepsës të veshjes në një fustan të ngushtë, ajo u bashkua në një divan të bardhë nga vajza e saj e 4-vjeçare, e cila kishte veshur një ‘hoodie’ të bardhë dhe fund të gjelbër sirene.

Ndërsa bënin foto së bashku, një fotograf mund të dëgjohet duke i kërkuar vogëlushes të bëjë nënën të qeshë, gjë që bën që Stormi dhe mamaja e saj të qeshin. I dashuri i Kylie, Travis Scott, dhe babai i dy fëmijëve të saj, komentoi:

“Dukesh mirë”.

Postimi i saj vjen tre ditë pasi aludoi për disa vështirësi pas lindjes së foshnjës së dytë, emrin e të cilit ajo ende nuk e ka zbuluar.

Top Albania Radio shkruan se duke iu drejtuar betejës së saj pas lindjes, nëna e re Kylie shihet që i shprehet motrës së saj modele Kendall Jenner teksa pranon se ka qarë për javë të tëra pas lindjes së djalit të saj.

“Unë duhet të jem vërtet e lumtur tani, sapo linda këtë fëmijë. Por unë qava pa pushim për rreth tre javë”.

Kylie lindi fëmijën e saj të dytë më 2 shkurt të këtij viti, dhe fillimisht zbuloi se emri i tij do të ishte Wolf, por më vonë njoftoi se ata kishin një ndryshim në emër.

Top Channel