“Po kërcenin si majmunë”/ Komentet e Mourinhos pas derbit të Stambollit, Galatasaray akuzon portugezin për racizëm 25/02 09:55
Kampionët e Shqipërisë morën fitoren e parë në Superiore duke mposhtur 0-2 në transfertë Egnatian, që pavarësisht pretendimeve, pësoi disfatën e dytë në po kaq javë.
Goli i parë bardheblu i Kallakut në pjesën e parë dhe Hasanit në të dytën, i dhanë suksesin ekipit të Shehit në një ndeshje ku pati dhe momente paniku, për shkak të një episodi të minutës së 32-të, me Qefalian, që u gjakos dhe humbi ndjenjat në fushë, për t’u transportuar në spital. Sa i përket lojës, Tirana ishte dominuese dhe u nevojitën vetëm 14 minuta lojë për Kampionët e Shqipërisë për të marrë epërsinë, kur Kallaku kaloi në epërsi kryeqytetasit.
Në minutën e 32-të, momente paniku për Qefalian që u përplas me Hamzan, duke bërë që ndeshja të ndërpritej për 10 minuta, pasi një pjesë e futbollistëve nuk ishin në gjendje për të vazhduar lojën.
Gjithsesi, episodi nuk e ngurtësoi Tiranën që vendosi fitoren në kasafortë, me golin e dytë të Hasanit, në fillimin e pjesës së dytë. Një tiranë cinike por e mjaftueshme për të marrë suksesin e parë në kampionat, me bardheblutë që pas dy javësh ngjiten në kuotën e 4 pikëve, ndërsa Egnatia është ende në kërkim të pikës së parë në Superiore.
Top Channel
