Presidentin e Real Madrid e lënë nervat, sulmon Shqipërinë për “Topin e Artë. Ja si e “përgënjeshtron” Besnik Dizdari 24/11 21:11
Festivali Rajonal Rinor i Shahut ka mbledhur në Tiranë shahistët e rinj të rajonit.
Aktiviteti u zhvillua nga 25-28 Gusht duke bërë bashkë të rinj të apasionuar dhe të talentuar në sportin e shahut në vend si dhe nga rajoni, në kuadër të “Tirana Kryeqyteti Evropian i Rinisë 2022”. Aktiviteti u organizua nga shoqata e mjeshtrave “Albania” nën patronazhin e Federatës Shqiptare të Shahut.
Shahu konsiderohet botërisht si një mjet i mirë për shkëmbimin kulturor dhe përbën një mënyrë efikase për zhvillimin e kontakteve dhe marrëdhënieve mes te rinjve që e praktikojnë atë. Kështu rreth 50 shahistë të rinj nga Shqipëria, Mali i Zi, Kosova e Maqedonia e Veriut, të moshave nga 8 deri 18 vjeç, ishin pjesëmarrës në Festivalin Kulturor Shahistik.
Vendin e parë e fitoi i riu nga Kosova Valentin Uruçi. Të dytin Ergit Ramaj nga Shqipëria, ndërsa vendi i tretë i takoi Alaudin Shtavicës po nga Kosova.
Shahistja më e mirë femër u shpall Ailin Ndreko nga Shqipëria.
Top Channel
