Çfarë dihet deri më tani për të dyshuarin e sulmit në Gjermani? Si i kritikonte autoritetet përmes postimeve në rrjetet sociale 21/12 16:38
Udhëheqësit e opozitës kanë vendosur të ulin “armët” dhe t’i lejojnë vetes një pushim të shkurtër këtë fundjavë.
Dy banorët sezonalë të Gjirit te Lalzit, Sali Berisha dhe Ilir Meta dëshmuan në rrjetet sociale që ndodhën në vendin e tyre te preferuar.
Sali Berisha duket se ka hedhur pas krahëve rekordet me not. Dallgët që i erdhën nga përtej Atlantikut dhe La Manshit, kanë bërë që ai të zgjedhë me kujdes rrugën ku ecën.
Por, ndërsa janë të dy në Lalz, me foto po tregojnë se janë veç e veç.
Ilir Meta ka lënë boronicat e Tropojës dhe i është rikthyer Lurës dhe Monikës. Në vjeshtë dallgë të vështira e presin edhe ish-presidentin, të cilin socialistët kanë plan ta lënë jashtë Parlamentit.
Për të treguar se është gati Ilir Meta ka nxjerrë nga gardëroba një bluzë marinari, shenjë se është gati të përballet me stuhi detare si komshiu i tij në Lalz.
Ndërkohë, Edi Rama i pa ngacmuar nga streset e listave dhe as frika e bllokimeve presidenciale, vazhdon edhe në pushime, të takojë të huaj. Për një moment Olimpi ka zbritur në Dhërmi dhe Zeusi ka mësuar shqip.
Të paktën e dimë ku rrinë krerët e politikës para garës së ardhshme që nis në shtator. Secili pushim, secili më vete.
Top Channel
