Psikologët i kanë ndarë stilet e prindërimit në disa lloje, lejuese, neglizhuese dhe autoritare.

Dhe sipas hulumtimit, qasja autoritare është ajo që ka më shumë gjasa të ndikojë që të rriten fëmijë të pavarur dhe të aftë. Megjithatë pavarësisht se si zgjedhim t’i rrisim ata, është e qartë se ne të gjithë duam më të mirën për fëmijët tanë.

Top Albania Radio shkruan se në fund të fundit, prindërimi është një udhëtim personal, ku secili prind vendos rregullat e veta sipas bindjeve dhe rrethanave të jetës. Ndërkaq, njihuni me disa nga qasjet e ndryshme që njerëzit e famshëm kanë për fëmijët e tyre:

Julia Roberts: Fëmijët nuk mund t’i shikojnë filmat e saj!

Madonna: Nuk lejohen lidhjet romantike deri në moshën 18-vjeç!

Mila Kunis dhe Ashton Kutcher: Nuk ka dhurata për Krishtlindje!

Kelly Ripa: Nuk ka profil në Instagram deri në moshën 18 vjeç!

Megan Fox: Nuk ka TV dhe telefon!

Gwyneth Paltrow: TV vetëm në frëngjisht ose spanjisht!

Jennifer Lopez: iPad vetëm të dielave!

Angelina Jolie dhe Brad Pitt: Fëmijët nuk mund të kërkojnë në Google!

Rikujtojmë, se një studim i kryer së fundmi ka zbuluar se fëmijët që shikojnë televizor si pjesë e rutinës së tyre para gjumit, flenë më pak, përjetojnë më shumë probleme me gjumin dhe shfaqin më shumë probleme vëmendjeje dhe sjellje agresive gjashtë muaj më vonë.

Sipas ekspertëve që studiojnë fushën e gjumit, gjumi i mirë është kritik për shëndetin dhe zhvillimin e hershëm të fëmijëve. Rutinat para gjumit mund t’i ndihmojnë fëmijët të mbajnë zakone të shëndetshme të gjumit, por provat sugjerojnë se këto rutina shpesh përfshijnë përdorimin e televizorit.

 

Top Channel