Ata e gjetën veten të kyçur në një betejë ligjore për emrin e tyre të përbashkët në vitin 2017.

Por Kylie Jenner dukej sikur kishte huazuar më shumë sesa thjesht një emër nga Kylie Minogue teksa doli me një veshje të frymëzuar në dukje nga kostumi ikonik i yllit të popit me kapuç të bardhë të dielën mbrëma.

Miliarderja, 24 vjeç, duket se ka marrë frymëzim nga look-u që këngëtarja australiane, 54 vjeç, kishte veshur në videon e saj të vitit 2001 për “Can’t Get You Out Of My Head”, teksa vizitonte klubin e natës në Londër, me të dashurin e saj Travis Scott, 31 vjeç. Ylli ka shoqëruar reperin në kryeqytet për koncertet e tij kryesore në O2 Arena dhe dukej e pabesueshme.

Kylie bashkoi një bluzë metalike me kapuç argjendi me një palë xhinse dhe mbante një çantë të vogël të zezë. Ajo shtoi një palë taka të larta me majë për të kompletuae look-un e saj. Kylie Jenner zgjodhi një grim të plotë të fytyrës, duke përfshirë një shkëlqim buzësh rozë.

Ndërkohë, Travis kishte veshur një bluzë gri Pearl Jam me një palë xhinse të gjera blu dhe atlete. Ai e kapi fort dorën e të dashurës së tij dhe mbante veshur disa gjerdan dhe një palë syze dielli./ Top Albania Radio

Top Channel