Thyen rekorde, këngëtari Ed Sheeran bëhet artisti i parë që…

Krijuesi i hitit “Shivers” bëhet artisti i parë që ka grumbulluar 100 milionë ndjekës në platformën e transmetimit.

Top Albania Radio shkruan se me arritjen e madhe të këngëtarit do të kishte kuptim që ai të merrte ndoshta një pllakë apo edhe një kujtim unik, por duket se Spotify kishte plane më të vogla.

Sheeran me një buzëqeshje në videon e postuar në Twitter tha se:

“Kështu që sapo arrita 100 milionë ndjekës në Spotify dhe ata ma dërguan këtë bluzë. Kështu që unë do të eci nëpër stadium dhe do t’u kërkoj njerëzve të më pyesin për 100 milionë ndjekësit e mi”.

Absolutely mental. What an achievement Ed. Congrats! 👏 @spotify pic.twitter.com/Sber0327ap

— Ed Sheeran HQ (@edsheeran) July 26, 2022

Sheeran me këtë rekord ua kalon këngëtarëve të tjerë në numrin e ndjekësve të Spotify. Pas tij janë Ariana Grande, e cila ka 81.7 milionë ndjekës, Billie Eilish me 66.3 milionë, Drake me 65.5 dhe Justin Bieber me 63.3 milionë.

Rekordi historik, të cilin Sheeran ishte artisti i parë që arriti ndonjëherë, erdhi disa orë pasi mori lajmin se ai ishte nominuar për katër çmime MTV VMA.

Ed Sheeran është në garë për çmimin “Video e vitit” për këngën e tij “Shivers”. E njëjta këngë mori edhe nominime për “Kënga më e mirë Pop” dhe “Regjinë më të mirë”. Ndërkohë, kënga e tij “Bam Bam” me Camila Cabello u nominua për “Bashkëpunimi më i mirë” dhe “Artisti i vitit”.

Rikujtojmë se britaniku së fundmi ka marrë mbi një milion euro dëmshpërblim, pasi fitoi gjyqin për të drejtat e autorit lidhur me megahitin e tij, “Shape of You”.

Kujtojmë që Sheeran dhe bashkëpunëtorët e tij, John McDaid i Snow Patrol dhe producenti Steven McCutcheon, ishin paditur nga muzikanti britanik, Sami Chokri. Ai ngriti çështjen për shkelje të të drejtës së autorit duke pretenduar se 31-vjeçari kopjoji një pjesë nga kënga e tij e vitit 2015, “Oh Why”.

Top Channel