Izraeli luftë me disa fronte! E enjte tmerri, sulme të njëpasnjëshme në Gaza dhe Liban
14/11 22:57
Zjarret kanë përfshirë Evropën ditët e fundit, duke shkaktuar pasoja katastrofike ekonomike dhe natyrore.
Temperaturat e larta dhe thatësira e madhe e kanë favorizuar të gjithë situatën që ndodhet Franca, Mbretëria e Bashkuar, Greqia, Spanja, etj.
Para pak ditësh një zjarr i madh në kryeqytetin e Greqisë dogji shtëpi dhe makina vetëm në pak orë, ndërsa dëmi ekonomik i familjeve të cilët mbetën pa shtëpi ishte i madh.
Ky nuk është rasti i parë pasi Greqia gushtin e kaluar zjarri masiv shkatërroi bujqësinë dhe blegtorinë.
Një dëm ekonomik shumë i madh për të gjithë ata që i krijojnë bazat e ekonomisë së tyre mbi këto faktorë.
Ndërsa zjarret po shpërthejnë përsëri në të gjithë Evropën këtë verë, gjendja e vështirë e bletërritësit grek nxjerr në pah dëmin afatgjatë të shkaktuar në mijëra mjete të jetesës individuale në bujqësi dhe turizëm.
Në një kohë kur buxhetet dhe ekonomitë kombëtare janë ndikuar nga pandemia, qeveritë janë nën presion për të gjetur më shumë fonde për pajisjet thelbësore të zjarrfikësve.
Komisioneri i BE-së për menaxhimin e krizave, Janez Lenarciç i tha Reuters se vendet anëtare duhet të përgatiten më mirë.
“Ajo që ne shohim që vjen është se do të ketë një numër më të madh të ngjarjeve më intensive të lidhura me motin”, tha ai.
Në një raport të fundit, zbulohet se Greqia, Spanja, Portugalia, Italia dhe Franca po shpenzonin deri në 80% të fondeve në dispozicion për ndalimin dhe vetëm 20% për parandalimin e katastrofave.
Top Channel
