Protestuesit përleshen me policinë për ndërprerjet e energjisë në Ekuador (fotot)
16/11 19:02
Gjashtë kandidatë kanë mbetur në garë për të zëvendësuar kryeministrin e Mbretërisë së Bashkuar Boris Johnson pas raundit të parë të votimit, teksa ministri i financave Nadhim Zahawi dhe ish-ministrin e jashtëm Jeremy Hunt u eliminuan.
Garën tani e kryeson i dorëhequri si ministër i financave Rishi Sunak, me 88 vota. Pas tij vijnë Penny Mordaunt me 67 vota dhe Liz Truss siguron 50 vota
Tani në garë janë vetëm 6 kandidatë . “Unë do të largohem së shpejti me kokën lart,” tha Johnson në seancën e tij të parafundit të Pyetjeve në Dhomën e Komunave, pas një kolapsi spektakolar të kabinetit javën e kaluar.
Raundet e reja të votimit do të zhvillohen të enjten dhe, nëse është e nevojshme, edhe javën e ardhshme derisa të mbeten vetëm dy kandidatë, me një pasues të Johnson që pritet të zgjidhet deri më 5 shtator.
Pak nga pretendentët kanë një profil të lartë publik. Ish-shefi i Thesarit Rishi Sunak është i preferuari dhe ka numrin më të madh të mbështetësve të deklaruar, i ndjekur nga Sekretarja e Jashtme Liz Truss dhe Ministrja e Tregtisë Penny Mordaunt.
Megjithatë, një sondazh i ri i kryer nga YouGov pyeti qindra anëtarë të Partisë Konservatore se kush do të ishte zgjedhja e tyre numër një për kryeministër, dhe në çdo skenar Penny Mordaunt doli në krye.
Sondazhi tregon gjithashtu se kandidati i supozuar i preferuar Rishi Sunak i paaftë për të mposhtur pretendentët e mbetur ende në garë .
Top Channel
