Studim/ Zbuloni sa fëmijë duhet të keni që të jeni të lumtur 24/04 08:20
Një moment i këndshëm është publikuar nga mediat britanike, kur i dashuri i Rita Orës ndërhyn kur ajo ishte duke komunikuar live online me prezantuesen Natalie Barr.
Këngëtarja me origjinë shqiptare po përfundonte bisedën nga shtëpia e saj në Londër, kur regjisori i “Thor”, 46 vjeç, u shfaq papritur në kamera për të përshëndetur shikuesit.
“Taika, largohu nga xhirimi im”, tha Rita, përpara se çifti të shpërthente në të qeshura, shkruan DailyMail.
Pasi ai u largua shpejt, Rita shtoi: “Kthehu! Thuaj përshëndetje të gjithëve”.
“Përshëndetje, nuk mund të të dëgjoj”, u përgjigj Taika, ndërsa po kërcente me muzikë.
Gjatë intervistës, Rita foli se sa shumë i pëlqente eksperienca e saj e fundit si trajnere në “The Voice Australia”në Sydney.
Kjo video publike vjen pak kohë pasi Taika thuhet se u transferua në shtëpinë e Ritës në vlerë prej 9.5 milionë euro në veri të Londrës.
Rita, e cila është duke punuar në disa filma dhe “The Voice Australia”, dhe Taika, i cili po planifikon një varg filmash, shpresojnë të kurorëzojnë martesën pasi të kenë përfunduar angazhimet e tyre të punës, raporton The Sun.
Gushtin e kaluar, çifti, i cili filloi të takohej në mars të vitit 2021 pas njohjes në Australi, tha se po ecnin aq shpejt në marrëdhënien e tyre sa kishin filluar të diskutonin martesën.
“Taika e quan Ritën ‘grua’ gjatë gjithë kohës dhe bisedon se si do të jetë burri i saj i parë dhe i fundit”, tha një burim i brendshëm për revistën “New Idea”.
Taika ka qenë i martuar më parë me producenten e filmave, Chelsea Winstanley, por dyshja besohet se janë ndarë në heshtje në vitin 2018.
Top Channel
