Kina, e zemëruar me SHBA-në për mbështetjen ndaj Tajvanit: Po luan me zjarrin 22/12 11:14
Qindra punonjës të British Airways në aeroportin e Heathrow votuan sot për të hyrë në grevë pas një mosmarrëveshje për pagat .
Janë rreth 700 punonjës që kanë vendosur të bllokojnë punën në ditët në vijim pasi thonë se nuk kanë marrë atë se çfarë u është premtuar.
British Airways nga ana tjetër tha se sindikatat kishin refuzuar një rritje pagash prej 10% , por punonjësit pretendojnë se oferta e linjës ajrore ishte një ‘bonus’ për vetëm një herë dhe anëtarët e saj duan që të kthehet paga e plotë.
Heathrow, aeroporti më i madh i Britanisë është zhytur në kaos që nga marsi pasi një numër i madh i stafit në siguri, kontrollin e trafikut të aeroportit dhe trajtimin e bagazheve u pushuan nga puna gjatë pandemisë.
Aeroporti ka dështuar të menaxhojë një ‘krizë të bagazheve’ e cila ka sjellë një kaos me grumbullimin e tyre jashtë Terminalit 2. Pasagjerët që kanë humbur bagazhet e tyre janë ankuar në mediat sociale se janë detyruar të presin një javë për të rigjetur çantat e tyre.
Dhjetëra mijëra pasagjerë janë goditur tashmë nga ndërprerja e punës në aeroport me anulimet e fluturimeve në javët e fundit dhe ndërkohë, gjysma e rrjetit hekurudhor është mbyllur në Angli, Uells dhe Skoci si pjesë e një greve të dytë hekurudhore këtë javë
Vetëm një në pesë trena qarkullojnë, kryesisht në linjat kryesore , ndërsa në disa zona të tjerë raportohet se nuk ka trena fare.
Top Channel
