Sulmohet shtëpia e Netanyahu-t, dy raketa bien në oborrin e rezidencës së kryeministrit izraelit 16/11 22:45
Reshjet më të mëdha të shiut në dekada kanë shkaktuar përmbytje dhe rrëshqitje të dheut në Kinën jugore, duke detyruar evakuimin e qindra mijëra njerëzve.
Sipas Qendrës Kombëtare Meteorologjike të Kinës, reshjet mesatare të shiut në provincat jugore të Guangdong, Fujian dhe Guangxi midis fillimit të majit dhe mesit të qershorit arritën në 24 inç (62.1 cm), më i larti që prej vitit 1961.
Rreth 145,000 njerëz janë evakuuar nga zonat në Guangxi dhe 2,700 shtëpi janë shembur.
Qytetet Shaoguan dhe Qingyuan në Guangdong ngritën alarmet e tyre për përmbytje në nivelin 1, më i larti.
Zyrtarët në Guangdong thanë se më shumë se 200,000 njerëz janë evakuuar.
Autoritetet u kërkuan banorëve të lëvizin në toka më të larta pasi përmbytjet arritën nivele rekord, njoftoi televizioni shtetëror.
Zyrtarët thanë gjithashtu se kantieret e ndërtimit, bizneset, transporti publik dhe portet mund të mbyllen, ndërsa stafet nuk munden të shkojnë në punë.
Në provincën Jiangxi në verilindje, autoritetet ngritën një “alarm të kuq” nga përmbytjet pasi u prekën 485,000 njerëz në nëntë rrethe, tha agjencia e lajmeve Xinhua.
Humbjet ekonomike arritën në 470 milionë juanë (57.2 milionë £), me 43,300 hektarë të mbjella të shkatërruara, raportoi ai.
Fotot e medias shtetërore treguan shtëpi të përmbytura, njerëz që përpiqeshin të pastronin baltën dhe ngritën mbrojtje kundër përmbytjeve me thasë rëre.
Kina ka përjetuar reshje të shumta në muajt e fundit, ndërsa ekspertët thonë se moti ekstrem është gjithnjë e më i zakonshëm për shkak të ngrohjes globale.
Në gusht të vitit të kaluar, 21 persona humbën jetën pas reshjeve të mëdha të shiut që goditën provincën Hubei të Kinës qendrore, vetëm disa javë pasi përmbytjet rekord vranë më shumë se 300 njerëz në provincën fqinje Henan.
Top Channel
