Qytetarët shqiptarë që jetojnë në Kanada mund të aplikojnë për pasaport apo dokument biometrik nga zona ku banojnë, pa pasur nevojë të vijnë në Shqipëri.
Lajm i mirë është dhe për shqiptarët që jetojnë në Irlandë, pasi ambasada shqiptare në Londër do të fillojë të ofrojë shërbime për dokumente biometrike, pasaporta dhe letërnjoftime elektronike.
Njoftimi i Ministrisë së Punëve të Jashtme:
Një lajm i mirë për qytetarët shqiptarë që jetojnë në Irlandë dhe Kanada.
Duke filluar nga data 20 qershor, Ambasada Shqiptare në Londër në Bashkëpunim me Ministrinë e Brendshme dhe Kompaninë Aleat, do të fillojë ofrimin e shërbimeve konsullore për shqiptarët që jetojnë në Irlandë .
Gjithashtu, nga 27 qershori, për herë të parë Ambasada Shqiptare në Kanada do të fillojë të ofrojë shërbime për dokumente biometrike, pasaporta dhe letërnjoftime elektronike.
MEPJ synon që me anë të projekteve të tilla të lehtësojë edhe më shumë jetesën e qytetarëve shqiptarë, kudo që ata ndodhen jashtë vendit.
Top Channel
