Dhunonte gruan dhe djalin, arrestohet trafikanti i drogës në Kamzë
12/06/2022 10:07
Një 46-vjeçar që dhunonte bashkëshorten dhe djalin e tyre të mitur është vënë në pranga këtë të diel.
Shtetasi me iniciale M.S. dyshohet se ushtronte vazhdimisht dhunë fizike dhe psikologjike në familje. Pas arrestimit, policia ka kontrolluar banesën e tij dhe ka gjetur një sasi droge, që ai e shiste në qytet.
Nga veprimet hetimore ka rezultuar se ky shtetas, pasi siguronte lëndën narkotike kokainë, e ndante atë në doza, të cilat i shiste më pas, në zona të ndryshme të Kamzës, njofton policia, ndërkohë që është sekuestruar kokaina dhe një peshore elektronike.
Materialet i kaluan Prokurorisë, për veprime të mëtejshme procedurale.
Top Channel